Falta de apetito

A falta de apetito, é un síntoma frecuente nalgunhas enfermidades. Consiste na diminución do apetito e na diminución da inxesta de alimentos. Tamén se pode dar en enfermos que reciben tratamento para o cancro. Esta incapacidade pode verse agravada se o enfermo sofre dor, ansiedade, medo, depresión etc. Outras veces a falta de apetito é producida por sequedad ou lesións na boca, diarrea, estrinximento, etc. problemas que abordaremos máis adiante.

As estratexias para frear ou diminuír a falta de apetito poden comprender uns adecuados consellos dietéticos e nalgúns casos complementalos con fármacos que melloran o apetito, como son: a metoclopramida, os corticoides, a dexametasona e os progestáxenos.

De todos os xeitos a perdida do apetito é algo temporal, vostede recuperarao en canto se atópe máis animado e/ou terminase o tratamento.

Medidas dietéticas para reducir a falta de apetito

No caso de que vostede non teña apetito non é necesario que siga unha dieta equilibrada. “Coma o que queira, cando queira, canto queira e cociñado da forma que queira”.

Fraccione a comida en pequenas porcións e coma pouca cantidade cada 2 ou 3 horas.
É importante que a comida sexa atractiva á vista, a presentación, así como a cantidade son determinantes á hora de facer apetecible un prato de comida.
Procure comer acompañado, aínda que se atope con pouca forza salga da súa habitación para comer no salón ou na cociña co resto da súa familia.
Se ten dor ou fatiga, tome a analxesia indicada polo seu médico e aproveite para comer cando as molestias cedan.
Aproveite para comer nos momentos de maior apetito.
Introduza alimentos na súa dieta con maior achegue proteico e calórico, noces, améndoas, pistachos, anacardos, mel, nata, manteiga etc.
Se ten dificultade para mastigar, ben por cansazo ou por molestias na boca, adapte a textura da comida ás súas necesidades. Pode tomar os mesmos alimentos triturados ou licuados.
Evite tomar líquidos durante a comida, para evitar a saciedade temperá.
Cando faga purés de verduras ou de patacas use leite no canto de auga e nata no canto de queixiños desnatados.
Se tolera ben algunha comida pode repetila varias veces ao día ou varios días seguidos.
Pode repetir dous primeiros pratos, dous segundos ou dúas sobremesas, se iso é o que lle apetece; xa volverá realizar unha dieta equilibrada cando se repuxo e recupere o apetito.
Tome un vasiño de viño ou de cervexa durante a comida, pode estimular o apetito (consulte co seu médico).
Realice exercicio físico, mellor ao aire libre, se o seu estado llo permite. Faralle sentirse mellor e pode aumentar o seu apetito.

Consulte ao seu médico a conveniencia de usar suplementos nutricionais e/ou medidas farmacoloxías se o seu estado de falta de apetito persiste.

Receitas de cociña aconselladas para pacientes con falta de apetito

Non hai ningún alimento especial para que vostede recupere inmediatamente o apetito, pero si diferentes presentacións que farán máis apetecible a comida e distintas técnicas culinarias á hora de cociñar que farán máis saborosos os alimentos. Mentres a súa inapetencia permaneza, para evitar a perda de peso, tome alimentos contundentes, ricos en calorías como mel, bollería caseira, froitos secos, chocolate, iogur enriquecido con nata, bocadillos ou cereais. A continuación facilitámoslle algunhas receitas con alto aporte calórico, fáciles de preparar e moi suculentas.

Sangría de cítricos

do libro “Receitas de cociña e de autoaxuda para o enfermo oncolóxico”

Ingredientes:

1 lima
1 limón
1 laranxa
1 litro de zume de uva branca
½ l. de sifón ou de gasosa
Xeo picado

Preparación:

Trocee a lima, o limón e a laranxa en dúas metades.
Esprema o zume dunha de cada dúas metades e corte as restantes en rodelas finas.
Nun recipiente verta o zume de uva, o sifón e o zume e as rodelas de lima, limón e laranxa.
Encha unha copa con xeo picado até ¼ da súa capacidade; verta a sangría e poña unha rodela de froita en cada copa

Antes de cada comida pode tomar un vaso de sangría, os cítricos estimulan o apetito.

Coliflor con bechamel

Ingredientes:

1 coliflor
200 g de manteiga
150 g de fariña
1/2 l de leite
Noz moscada
Aceite de oliva
Sal
Queixo para gratinar

Preparación:

Corte a coliflor en arboliños e lávea ben, póñaa a ferver ata que estea tenra (uns 10 minutos), déixea escurrir e colóquea nunha fonte para o forno.

Para a salsa bechamel:

poña nun cazo un pouco de aceite de oliva e a manteiga, cando quede derretida incorpore a fariña e remova ata que cambie de cor, entón bote o leite aos poucos sen deixar de remover e engada a noz moscada deixe a lume lento ata que espese.

Unha vez feito isto, vértaa sobre a coliflor e engada o queixo.

Quente o forno a 200 graos uns 20 minutos, deixe a fonte dentro ata que o queixo comece a tostar.

Ensalada tépeda de cogomelos, xamón e froitos secos.

Ingredientes (4 persoas):

Unhas follas de leitugas variadas
200 gramos de cogomelos
1 cebolleta
200 gramos de taquiños de xamón serrano
1 iogur grego
8 culleradas de aceite de oliva virxe
4 culleradas de vinagre de sidra
6 noces
Unhas poucas de uvas pasas
Unhas poliñas de cebollino
Sal e pementa

Elaboración:

Corte en tiras finas a cebolleta e nunha tixola quente saltee lixeiramente cun pouco de aceite de oliva e sal
Cando a cebolleta estea pochada ou transparente engada os cogomelos troceados e poña a punto de sal.
Unha vez cociñados os cogomelos retire da tixola e reserve.
Na mesma tixola saltee lixeiramente os taquiños de xamón, sáqueos e resérveos.
Mesture o iogur co aceite de oliva, vinagre e un pouco de sal , as noces e o cebollino troceado até formar unha salsa homoxénea.
Lave as follas de leituga e córteas en tiras finas. Dispoña sobre o prato as follas de leituga e encima coloque os cogomelos salteados e os taquiños de xamón dourados.
Aderece coa salsa de iogur e espolvoree as uvas pasas por encima.

Sopa Mariñeira

Ingredientes:

Rape, pescada, cabracho. Poden ser varios peixes
½ Kg. de ameixas
1 Kg. de mexillóns
2 allos porros
2 cenorias
1 folla de loureiro
Un feixe de perexil
Dous tomates maduros ou 3 culleradas de salsa de tomate
Pemento doce da Vera
Un sobre de azafrán en hebras
2 cebolas
1 dente de allo.
Aceite de oliva
Viño branco/coñac. un chorriño
Pan
Améndoas picadas

Opcional: Pódense engadir colas de lagostinos, lagostinos e gambas.

Elaboración:

Lavar ben todos os peixes e limpar as cunchas das ameixas e mexillóns (deixar que as ameixas depuren antes).
Lavar as verduras.
Nunha cazola pór a cocer os allos porros, cenorias, cebola, perexil, o loureiro e o sal. Cando estea cocido engadir os peixes e os mariscos. Unha vez que se abran as cunchas, retirar as ameixas e os mexillóns, e deixar que coza o peixe ata que logre o seu punto, sen pasarse.
Noutra cazola pór un fondo de aceite de oliva, engadir unha cebola picada e un dente de allo e deixar a lume medio que se doure sen queimarse (pochar), ata que quede transparente. Engadir os tomates en anacos ou a salsa de tomate, un chorriño de viño branco ou coñac e deixar durante uns minutos, ata que se mesture todo ben (se se puxo tomate enteiro, deixar ata que se faga).
Engadir unha cullerada de pemento e as hebras de azafrán. Engadir un pouco do caldo de peixe e remover con culler de pau.
Pasar todo isto polo chino, (ou batidora) pódese engadir unha cenoria cocida.
Coar o resto do caldo. Desmenuzar o peixe en anacos non moi pequenos. Refugar as cunchas dos mexillóns, as ameixas poden ir con ela. Engadir todo isto á outra pota e ir engadindo o caldo segundo precísese.
Nunha tixola pór a fritir o pan en anacos pequenos (picatostes) e retirar. Fritir un puñadiño de améndoas ata que se douren (ollo, quéimanse moi rápido).Pasar pola batidora as améndoas cuns poucos picatostes e un pouco do caldo, (os demais picatostes botalos enteiros) engadir todo á cazola e darlle un fervor. Rectificar de sal.

Nota: Esta sopa é moi nutritiva e tómase facilmente aínda con pouco apetito.

Cordón Blue

Ingredientes para 4 persoas:

8 filetes de tenreira cortados moi finos
4 lonchas de queixo enmental
4 lonchas de xamón serrano moi finas
1 litro de nata líquida, 1/2 limón
1/2 quilo de champiñóns
Un chisco de sal
Aceite de oliva
2 ovos para rebozar

Preparación:

Entre filete e filete a modo de bocadillo ponse unha loncha de xamón e outra de queixo e resérvanse nunha fonte.
Bátense os ovos, pásase cada unidade por fariña e logo polo ovo.
Bótanse na tixola co aceite quente, pero non excesivo, e déixase que se doure o ovo, dáselle volta e volta, colocándoos de novo na fonte.
Quítase o aceite e déixase un pouco para botar o litro de nata, un chisco de sal e o zume do limón.
Déixase cocer ata que se reduza na tixola sen pegarse, isto é removendo constantemente e a lume moi lento.

Preparación dos champiñóns.

Quítanse os rabos e lávanse con auga e limón.
Córtanse en láminas moi finas e ponse na tixola cunha pinga de aceite, ponse a lume forte ata que se vaian facendo, logo báixase o lume.
Se espolvorean os champiñóns por encima da carne rebozada e cando estea a nata reducida e espesa bótase por encima dos filetes cos champiñóns. Servir quente

Outra forma de preparar o cordón blue

Pór os filetes sobre unha táboa, cubrir cun plástico, e golpear cunha espátula de madeira, para esmagalos, salpimentar.
Colocar unha loncha de xamón e outra de queixo sobre un dos filetes.
Repetir a operación sobre 3 filetes máis.
Cubrir os 4 filetes preparados, cos restantes, suxeitar con escarvadentes de madeira, pasalos por fariña e a continuación polos ovos batidos, e pan rallado.
Fritilos en abundante aceite quente ata que estean ben dourados, e servilos acompañados con ensalada ou verduras ao gusto.

Variantes: tamén se pode facer con filetes de porco, pito, ou pavo.

Pito recheo ao forno

Ingredientes:

Pito
Viño tinto
Pemento
Pementa branca
Castañas
Mazás
Améndoas

Elaboración:

Deixar a macerar a mazá limpa e cortada en trozos durante 4h en viño tinto.
Cocer un puñado de castañas.
Dourar un puñado de améndoas.
Facer un adobo con aceite de oliva, sal e pementa branca.
Pincelar por dentro e por fóra o pito co adobo.
Introducir as mazás, as améndoas picadas e as castañas dentro do pito e coselo.
Fornear durante unha hora e media ou dúas horas a 180-200.
Regar co viño tinto das mazás e pincelar de cando en vez co adobo.

Troitas ou robalizas recheas ao forno.

Ingredientes:

4 troitas limpas
4 culleradas de améndoas salgadas
4 culleradiñas de piñóns
4 lonchas de xamón ibérico
½ vaso de nata líquida
30 gramos de manteiga
1 limón, pementa e sal

Elaboración:

Dispoña as troitas nunha superficie de traballo e prepare os ingredientes do recheo, pique as améndoas, corte en trociños a manteiga e o limón en rodelas e as rodelas á metade.
Introduza dentro de cada troita una loncha de xamón, encher tamén coa metade das améndoas e unha culleradiña de piñóns en cada unha.
Coloque as troitas nunha fonte refractaria e espolvoree co resto de améndoas picadas.
Reparta a manteiga sobre as troitas, engada pementa e un pouco de sal. Verte a nata líquida dentro da fonte e poña no forno prequentado, cociñe a 180º durante 20 minutos ou ata que vexa que as troitas están no seu punto.
Retire as troitas e dispoña nos pratos, lembre regar cada troita cun pouco de mollo da cocción.

Acompáñeas cunha ensalada verde sinxela

Arroz con leite ao estilo asturiano

Ingredientes para 6 racións:

¼ quilo de arroz
2 litros de leite enteiro
¼ de azucre
1 poliña de canela, limón, 50g
manteiga, canela en po e sal

Preparación:

Nunha cazola ampla, bótase o leite, o arroz, canela en rama, cascas de limón e unha cuclleradiña de sal.
Déixase cocer a lume lento removéndoo con culler de madeira con moita frecuencia durante hora e media ou dúas horas, engadindo ao final cando xa está cocido, o azucre a culleradas e a manteiga, sen deixar de revolver. Se lle gusta moi doce, pódese pór algo máis de azucre do sinalado.
Pásase a unha fonte, se espolvorea con azucre e canela en po.

Opcional: pódese queimar a superficie cun ferro coma se fose crema catalá.

Zume enerxético

Ingredientes:

1 remolacha
1 mazá
2 cenorias
Pedriñas de xeo

Preparación:

Lave e pele a remolacha e as cenorias, e córteas xunto coa mazá. Páseas pola licuadora e verta o liquido obtido nun vaso con cubitos de xeo. Sirva cun trozo de mazá.
Pódese engadir zume de limón ou de laranxa e fresas ou kivi se estamos en tempada.

Torta de queixo

Poña a quentar o forno mentres prepara os ingredientes.

Ingredientes:

4 ovos
2 tarrinas de queixo Filadelfia 200grs/cada unha
Un anaco de queixo fresco de 200grs
1 litro de nata
De 9 a 12 culleradas sopeiras de azucre (segundo preferencias)
8 culleradas sopeiras de maicena
2 iogures naturais

Elaboración:

Mesture todos os ingredientes coa batidora e deixe cocer durante unha hora co lume por abaixo a 180º. Introduza unha agulla e se sae limpa retire do forno
Deixe arrefriar e desmolde.
Vernice por arriba con mel ou marmelada de fresa
Pele 6-7 améndoas ou noces, córteas e bóteas por encima.

Nota: Pódese facer coa metade dos ingredientes, esta cantidade é para 8-10 comensais.

Bizcocho de Chocolate

Ingredientes: (A medida é a do iogur)

4 ovos
2 iogures de trufa ou chocolate
2 medidas de iogur de cacao ou cola Cao
2 medidas de azucre
2 medidas de fariña
1/2 medida de aceite
1 sobre de fermento Royal

Preparación:

Quente o forno durante 20 minutos mentres prepara os ingredientes.
Sóbense as claras a piques de neve e a continuación vanse incorporando o resto de ingredientes.
Envorque a mestura nun molde previamente untado (mellor se é de silicona)
Introduza co forno quente, con lume só pola parte inferior a temperatura de 180º
Aos 30 minutos mire se está cociñado introducindo un escarvadentes, se sae limpo retíreo de forno.

Desmolde unha vez que arrefriase.