Signos que requiren atención urxente

A maior parte dos efectos secundarios dos tratamentos prodúcense no domicilio do paciente, así que debe prestar atención á súa aparición, intensidade e duración. Os signos que requiren atención urxente son:

  • Temperatura igual ou superior a 37.5º C durante dúas tomas consecutivas cada seis horas.
  • Vómitos e diarrea de máis de 48 horas de evolución.
  • Cansazo excesivo.
  • Aparición de sangrados en encías, nariz, ao defecar, ao ouriñar.
  • Menstruacións máis abundantes.
  • Aparición de negróns ou lesións na pel e mucosas.
  • Aparición de feridas e fisuras anais.
  • Dor e inflamación de garganta.
  • Dor ou dificultade ao respirar.
  • Dor e hinchazón abdominal.

 

No momento que xurda algún destes signos, debe de seguir os pasos seguintes na orde que se indica:

  1. Chamar por teléfono á enfermeira do hospital de día ao número 981176004. De luns a xoves de 8h da mañá a 20h da tarde. Os venres e sábados de 8h a 15 horas.
  2. Acudir ao seu médico de cabeceira.
  3. Acudir ao servizo de urxencias do seu centro de saúde ou ambulatorio.
  4. Acudir ao servizo de urxencias do seu hospital de referencia.