Alteracións do gusto e o olfacto. Recomendacións e receitas

Alteracións do gusto (disgeusia) e do olfacto (hipogeusia). Sabor metálico.

O sentido do gusto e do olfacto pode alterarse durante o tratamento. Con frecuencia durante este proceso prodúcense cambios nos cheiros e nos sabores. Comidas que até este momento eran do seu agrado poida que agora as rexeite porque nota un sabor moi desagradable, amargo ou metálico. Isto sucede especialmente con alimentos ricos en proteínas como a carne. A quimioterapia dana as papilas gustativas; algúns medicamentos producen un sabor especial case inmediatamente despois de ser administrados. Estas alteracións e cambios de sabor adoitan desaparecer dous ou tres meses despois de terminar o tratamento.

É importante que durante a quimioterapia non perda peso. A continuación dámoslle algunhas recomendacións para que na medida do posible vostede se alimente correctamente.

  • Observe en que momentos e que comidas son as que lle producen alteracións do gusto e do olfacto e trate de evitalas.
  • Evite alimentos que ao consumilos crus ou ao cociñalos desprendan cheiros penetrantes. Adóitanse tolerar mellor os alimentos fríos que os quentes.
  • Consuma os alimentos que tolere mellor, aínda que sexan os mesmos durante un tempo. As carnes e o peixe fervidos, teñen menos aroma que cociñados fritos, á prancha, ou á grella.
  • Use salsas que sexan da súa agrado, mahonesa, mostaza, bechamel e condimentos suaves, ourego, tomiño, limón.
  • Substitúa a carne, por peixes, ovos ou aves.
  • Chupe caramelos sen azucre antes da quimioterapia.
  • Se ten sabor metálico use cubertos de plástico ou de madeira
  • Se o cheiro da comida lle molesta, pida que alguén a prepare por vostede e afástese da cociña.
  • Poña máis sal ou máis azucre nas comidas, senón están contraindicadas polo seu médico.
  • Extreme a hixiene bucal e cepille ben os dentes, a lingua e as encías.
  • Beba abundantes líquidos, 2 litros diarios. Engada ao auga fría zume de limón ou de pomelo e tómeo antes das comidas.

Receitas de cociña aconselladas para persoas con alteracións do gusto, do olfacto e sabor metálico.

Durante esta etapa diminúa o consumo de carnes que desprendan un cheiro forte ao cociñalas como pode ser o coello, o cordeiro, o porco e a tenreira. Se existe a posibilidade pida que alguén cociñe por vostede e non entre na cociña. Lembre tamén que o cheiro dos alimentos fríos pode ser máis suave e agradable e que o uso dalgunha salsa que sexa do seu gusto pode enmascarar cheiros e/ou sabores desagradables. A continuación facilitámoslle algunhas receitas de cociña que poden axudarlle, a parte o consumo de infusións de menta, zumes de laranxa, pomelo, limón poden servirlle para diminuír eses incómodos síntomas.

Paté de pementos e de anchoas

Ingredientes:

  • 1 lata de anchoas
  • 1 lata pequena de pemento vermello asado
  • unha xema de ovo cocido

Preparación:

Pásase todo pola batidora e se unta en torradas de pan.
Variantes:Pódense substituír as anchoas por unha lata de atún.

Paté de noces con roquefort e mazá

Ingredientes:

  • 1 tarrina de queixo Philadelphia
  • 1 anaco pequeno de queixo Roquefort ou calquera outro queixo azul
  • Noces picadas
  • ½ mazá aceda en trociños

Preparación:

Mestúranse os queixos cun tenedor, engádense as noces e a mazá e se amasa cunha espátula de madeira, para que quede todo en anacos.

Paté de centola

Ingredientes:

  • 1 lata de mexillóns ao natural (escurridos)
  • 4 palitos de cangrexo
  • 4 anchoas
  • 1 cullerada sopeira de maionesa

Preparación:

Pásase todo pola batidora ata que quede cremoso
Nota: non leva centola, pero recibe este nome pola consistencia e a cor, que lle dan o resto dos ingredientes.

Puré de cabaza e calabacín

Ingredientes 4 racións

  • Tres culleradas de aceite de oliva
  • 2 cabaciñas
  • 300 g de cabaza sen pel
  • 2 allos porros
  • 3 cenorias
  • 1 cebola e 2 dentes de allo
  • 2 patacas
  • 4 quesitos en porcións, ou un brik pequeno de nata
  • Sal, unha culleradiña de noz moscada e pementa branca

Preparación:

  1. Corte todas as verduras en anacos e refogue nunha cazola, cun chisco de aceite de oliva.
  2. Cubra con auga, engada un pouco de sal e deixe cocer durante media hora ou tres cuartos ata que a pataca e as verduras estean ben feitas.
  3. Pase a mestura pola batidora e leite os queixiños, ou a nata batendo enerxicamente.
  4. Engada a pementa branca recentemente moída e a noz moscada.

Croquetas de queixo Cabrales con salsa de Marmelo

Ingredientes:

  • 30gr de aceite de oliva virxe extra
  • 30gr de manteiga
  • 150gr de fariña
  • 500gr de leite enteiro
  • 200gr de queixo de Cabrales

Para fritir:

  • Aceite de oliva virxe extra
  • 3 ovos batidos para rebozar
  • 150gr de pan rallado

Salsa de marmelo:

  • 100gr de doce de marmelo
  • 100gr de auga

Preparación:

  1. Refogue o aceite e a manteiga, a lume suave para que non se queime.
  2. Incorpore a fariña e remova durante 5 minutos.
  3. ENgada o leite e mova a mestura con culler de madeira durante 5 minutos.
  4. Engada o Cabrales desmenuzado en anacos pequenos e deixe cocer todo durante uns minutos a lume suave, sen deixar de remover.
  5. Verta a mestura nunha fonte humedecida e deixe repousar a masa unhas 4 horas.
  6. De forma ás croquetas (mellor boliñas pequenas) páseas por ovo e pan rallado dúas veces, fría en aceite quente que as cubra para que non se abran.

Salsa de Marmelo

Corte o marmelo en trociños moi pequenos e póñao nunha cazola coa auga durante uns segundos sen deixar de remover, ata que quede unha pasta homoxénea. Poña as croquetas nunha fonte e a salsa en recipientes pequenos.

Variante: se non quere facer a salsa, pode cortar tacos de marmelo e picalos sobre as croquetas.

Ensalada de pasta

Ingredientes para 4 racións:

  • 350 g de pasta (laciños ou espirais, con sabor a verduras)
  • 200 g de xamón doce
  • 150 g de queixo fresco
  • bonito, olivas, cenoria raiada, champiñóns laminados
  • 2 ovos cocidos, 1 cogombro, raviños, millo doce, maionesa, vinagre, pementa, herbas aromáticas, aceite e sal

Preparación.

  1. Coza a pasta en abundante auga quente con sal e un chorrito de aceite, ata que quede ao dente (tempo indicado na bolsa da pasta). Poña nun escurridor e deixe arrefriar.
  2. Corte os ovos, o bonito, o queixo, o xamón, os raviños, o cogombro, engada a cenoria raiada, o millo, os champiñóns, o vinagre, o aceite e a mahonesa. Coloque nun recipiente e engada as herbas aromáticas antes de servir.

Ensalada de arroz tres delicias

Ingredientes para 4 racións:

  • 100 gramos de arroz de gran longo
  • 100 gramos de bacón afumado, 200 gramos de xamón york
  • 2 ovos
  • 1 cebola, 1 dente allo, medio pemento vermello, medio pemento verde, pementa, 4 culleradas de aceite de oliva,1 cullerada de vinagre de sidra, sal, perexil

Preparación:

  1. Lave o arroz cru e póñao a cocer nunha cazuela con auga fervendo e sal durante 15-20 minutos. Unha vez cocido o arroz, láveo en auga fría e deixe escurrir.
  2. Faga unha tortilla francesa fina cos dous ovos e córtea en tiriñas.
  3. Frita a cebola, o beicon, o xamón , os pementos e o allo, cortados en cuadriños.
  4. Aderece o arroz con 3 culleradas de aceite de oliva, o vinagre, sal, pementa branca moída e perexil.
  5. Mesture o arroz aderezado coa tortilla cortada en tiriñas e co sofrito de bacón, cebola, allo pementos e xamón.

Se fose necesario engadimos un pouco máis de salsa vinagreta.

Se se quere pódense engadir tamén unhas colas de gambas refogadas ou cocidas.

Boqueróns en vinagre.

Ingredientes:

  • 500 g de boqueróns
  • ½ ou 1 cullerada grande de sal gordo
  • ½ litro de vinagre de viño branco e zume de limón
  • perexil
  • aceite de oliva virxe extra
  • 4 dentes de allos

Preparación:

  1. Límpanse ben os boquerones, quítaselles a cabeza, as vísceras e a raspa. Hai que lavalos ben para que perdan todo o sangue, e logo déixanse escurrir.
  2. Para evitar posibles contagios de anisakis metémolos no conxelador un par de días. (O anisakis é un verme que pode producir doenzas intestinais graves, pode atoparse no peixe que consumimos cru. Morre ao cociñalo ou sometelo a un proceso de conxelación de -18º C un par de días)
  3. Desconxélanse e bótanse nun recipiente cubertos de auga fría durante 4-6 en horas na neveira. Despois se escurre a auga, ponse o sal nun recipiente (disolvela ben) e déixanse cubertos co vinagre e o zume do limón de 6 a 8h. na neveira.
  4. Pasado este tempo se escurren e vanse colocando ordenados nun recipiente fondo cubrindo con aceite de oliva virxe, allos e perexil ben picadiños.

Recoméndase facelos con antelación, están máis saborosos se se deixan no aceite varias horas ou se fan o día anterior.

Consérvanse varios días en neveira.

Torta de piña

Ingredientes:

  • ½ Kg. de nata
  • dúas sobres de gelatina de piña
  • un bote de piña
  • caramelo líquido
  • 4 culleradas sopeiras de azucre
  • galletas tipo maría

Elaboración:

  1. Unte un molde co caramelo líquido.
  2. Coloque sobre o caramelo, ao redor dos bordos e do fondo as rodelas de piña.
  3. Quente o zume de piña do bote e dilúao nas xelatinas.
  4. Monte a nata co azucre.
  5. Mesture a nata e o zume coas xelatinas removendo todo ben.
  6. Verta a mestura no molde e sobre ela coloque unha base de galletas.

Deixe repousar 12H na neveira e desmolde

Salsa de froitas

Ingredientes

  • 1 bote de pexego de 1kg
  • 1 bote de piña de 1Kg
  • O zume de 4 laranxas
  • O zume de 2 limóns
  • 2 cuclleradas de maicena
  • 4 ovos
  • 1 vaso de azucre
  • ½ vaso de auga (optativo)
  • Todas as froitas que se queiran

Elaboración:

  1. Se escurren os botes de conserva e resérvase o zume.
  2. Córtanse todas as froitas en anacos pequenos e colócanse nunha fonte.

Pasar pola batidora o zume das conservas, o zume das laranxas e os limóns, a auga, os ovos e a maicena. Logo pór todo a cocer a lume lento durante 10-15 minutos ata que espese, (non deixar de remover, pégase ao fondo). Botar isto sobre as froitas e deixar arrefriar na neveira

Sorbete de limón

Ingredientes:

  • 3 iogures naturais con azucre
  • 3 iogures de limón
  • Un bote pequeno de leite condensado
  • O zume dun limón grande ou dous pequenos
  • Canutiños de barquillos, menta, ralladura do limón

Preparación:

  1. Pase os iogures, o zume do limón e o leite condensado pola batidora.
  2. Poña en concos individuais ou copas na neveira.

Ao servir, poña raiadura de limón, unha folla de menta e dúas canutiños en cada conco.